百樂金宴 (Closed)

要包廂食晚飯，我真心推介百樂金宴！百樂金宴位於葵興舊工廠區內嘅商業大廈，星期六日人流非常少，一般情況同朋友/家人叫小菜食飯都唔駛訂位。因為人流少相對服務就較為細心周到！今晚因為一家之主（媽媽）生日要包廂房，所以要預早訂位，同樣係全包宴，廂房價錢比坐大廳貴幾百蚊，但又包麻省，卡拉 OK，所以都化算嘅！全包宴一席12位共十道菜 $4088乳豬全體 - BB 豬皮脆肉嫰脂肪少，乳豬味道鹹淡適中，配海鮮醬仲可以提鮮，轉眼就食晒隻豬仔喇！芝士龍蝦伊麵底 - 兩隻中 size 龍蝦，蝦肉已鋪滿全碟，蝦肉鮮甜彈牙，食得出係生猛海鮮，伊麵份量十足好有飽肚感！海味鮮雜菌扒西蘭花 - 雜菌味濃配鹹鮮海味，口感、味道層次豐富！百花釀蟹鉗 - 今古宴會中嘅大菜，飯桌上嘅 VVVVVIP！蝦膠爽甜彈牙，可惜蟹鉗肉係雪藏貨，冇蟹肉鮮味，相對失色！花菇鮑魚扒生菜 - 花菇厚身味濃，鮑魚吸滿蠔油汁鮮味爆發，難得係個汁一啲都唔鹹，配生菜就啱啱好喇！當紅炸子雞 - 真正皮脆肉嫰，皮下雞油預先切走，啖啖雞皮脆香！雞肉味偏淡配醮汁就剛好！瑤柱蛋白炒飯 - 飯粒分明，火喉十足！清蒸海斑 - 游水海鮮基本上冇咩好挑剔，火喉剛好保