Video
Read full review
2010-12-12
51 views
尋日(11-12-2010 Sat)同男友整完啲o野就搭車返過o黎尖沙咀,會合佢o岩o岩前一日生日o既朋友食晚飯,我book o左呢o度7:30pm,由於佢朋友未到,而女職員話只hold10分鐘,我就先上去,但原來o係lobby o個層等電梯係等唔到o既,等成5分鐘都搭唔到,於是改搭扶手電梯,同時call男友,叫佢o地o係地下搭電梯.搭超慢扶手電梯又用o左我5分鐘時間,男友同佢朋友亦快過我到.我去到攞枱時,知客竟然話未有人到,重帶我去一張枱,冇理由喎,我男友明明話到o左o格.我call男友,男友話出o黎搵我.我見到佢啦,於是我就行入去.坐低睇menu,一個經理奉住三種生蠔sell,重逐隻講解,最後男友揀o左好似$55.00一隻o既speciales geay o既呢款6隻,經理話呢隻一食落去有海水o既鹹,之後就係蠔o既甜味.然後我就落單,叫個$498.00o既定山溪二人套餐,有:2. 鯖魚蟹籽沙律o個件鯖魚都幾鯹,沙律冇問題.味道: 2分1. 洋風三文魚刺身上面有切片車厘茄,三文魚刺身切得好薄,夾起時竟然會爛同黐住個碟.食落,面上黃色原來係芒果汁,唔見得呢個配搭有咩好,三文魚刺身亦一般
搭超慢扶手電梯又用o左我5分鐘時間,男友同佢朋友亦快過我到.我去到攞枱時,知客竟然話未有人到,重帶我去一張枱,冇理由喎,我男友明明話到o左o格.我call男友,男友話出o黎搵我.我見到佢啦,於是我就行入去.
坐低睇menu,一個經理奉住三種生蠔sell,重逐隻講解,最後男友揀o左好似$55.00一隻o既speciales geay o既呢款6隻,經理話呢隻一食落去有海水o既鹹,之後就係蠔o既甜味.
然後我就落單,叫個$498.00o既定山溪二人套餐,有:
2. 鯖魚蟹籽沙律
o個件鯖魚都幾鯹,沙律冇問題.
味道: 2分
1. 洋風三文魚刺身
上面有切片車厘茄,三文魚刺身切得好薄,夾起時竟然會爛同黐住個碟.食落,面上黃色原來係芒果汁,唔見得呢個配搭有咩好,三文魚刺身亦一般吧.
味道: 2.5分
4. 米國肉類盛合(燒)
menu上寫有:泡菜香草雞,厚切牛舌,海虎大蝦,米國西冷,日本岩鹽牛肋骨同櫻花赤豚肉.但上o黎唔多覺有牛肋骨喎,唔通去o左骨?唔理喇,照燒啦.
牛舌係就係厚切,但係長立方體,重只有兩件,好寒酸囉.
而大虎蝦只有一隻,不過已經開o左邊,但二人餐,竟然都冇一人一隻,真係好過份.
其他o個啲最多都只有五片,真係唔掂.而味道呢,除o左咩泡菜香草雞有香草味外,其他都冇味,要蘸畀o左o既芝麻醬油至好味.
開邊蝦都有啲膏o既,但蝦味唔濃.
5. 栗米菠蘿
又係每樣得兩件,栗米重要切o左一半,真係呢.而味道,呢啲冇乜問題啦.
8. 另叫$78.00o既極上一口牛,話有鹽燒,芥末同七味三種味道,但我唔覺得有味,落單時侍應都冇問我要邊隻味,我諗畀o左鹽燒o掛.
9. speciales geay生蠔
呢個等o左好耐,要催至有,個經理拎o黎時話師傅開唔切,係咪呀?呢o度都唔多人,咪玩啦.好,食吓先,開頭真係鹹,之後,我食唔到好鮮甜o既味喎.
3. 松葉蟹味噌湯
係有兩粒蟹腳仔咁o既o野,有啲海帶,但我飲唔出有蟹味,而湯o既味道同普通o既冇分別.
6. 煙鴨胸蕃茄湯烏冬
食完晒o野又等好耐至o黎.鴨胸又係得一片,呢碗o野都係平平無奇.
7. 日本雪糕
呢個就畀o左三個我o地,係豆腐雪糕,都食到豆腐同牛奶味,雪糕都夠滑,呢個係至出色o既食物.
10.餐前小食
係一坐低已經有o既.我冇為意唔知咩魚加雜菜絲,我食o左舊魚後食啲菜,冇味o既,唔食.但見男友清晒,我問佢點解冇味都食得晒?佢答其實有麻油,撈吓佢啦.哦?!我同佢朋友都撈o黎食,係喎,果然好食啲.
服務:
開頭我想落單,足足叫o左三次唔該,個侍應至聽到,真係有冇攪錯?
都有密密斟玄米茶o既.
上菜上得慢,而且次序有啲亂.
環境:
好日本feel囉,女侍應著和服o既.
價錢:
貴就預o左,但真係估唔到份量少得可憐,當人乞兒咁.今次用o左o係報紙剪落o既$200.00 coupon至可以減返啲,重o岩o岩係八折,不過返到屋企,計o黎計去都計唔到係$1,016.40,唔通餐前小食要另外收費?果然o衣o家睇返上一篇食評,原來係有o既,呢間o野真係好小家.
價錢用原價計.
Post
