Video
Read full review
2024-01-02
94 views
大飯糖甜品小食屋 Sweet Canteen📍元朗洪水橋洪堤路8號雅珊商場地下8號舖中學年代起，每次食親糖水都係會去洪水橋嘅大飯糖，都真係算我哋嘅飯堂嚟㗎。今次趁老爸入開洪水橋，一於帶佢去我哋公認好食嘅糖水飯堂，試下佢哋出品！其實我一向都係宵夜時間先會去食，黃昏時間我都真係第一次，估唔到佢哋除咗咖喱、腸粉呢啲小食外，原來仲有好多花款，6點前仲有個半自助餐，吸引好多打工仔收工同一家大細嚟食，睇嚟深受街坊喜愛啵！今次嚟到，見到月中推出咗期間限定嘅湯丸甜品，只係做到2月8號㗎喳，想食嘅要趁早啦！ 💰$58三色芋圓芝麻湯圓芭菲杯 🍨小寧波 x 大飯糖系列，推出咗三款湯丸甜品，每款都創意滿滿，無論係中、西定玩味都兼顧到，分別有玫瑰桂花羅望子酒釀芝麻湯丸、爆炸糖椰絲榛子芝麻糖不甩同我揀嘅呢款三色芋圓芝麻湯圓芭菲杯。呢個芭菲杯有大飯糖嘅招牌日本5.0軟雪糕，圍邊有芝麻湯丸同椰奶忌廉，杯底放滿芋圓同小丸子，食前一刻再喺雪糕上淋上微溫嘅芝麻糊，一杯食到多種滋味！ 💰$70六盛・半自助午餐 🍽️呢個好受歡迎嘅半自助午餐講嘅六盛包括主食、小食、甜品、飲品、自助餐湯及沙律，經濟實惠又飽肚，仲有得按份量收費，難怪
📍元朗洪水橋洪堤路8號雅珊商場地下8號舖
中學年代起，每次食親糖水都係會去洪水橋嘅大飯糖，都真係算我哋嘅飯堂嚟㗎。今次趁老爸入開洪水橋，一於帶佢去我哋公認好食嘅糖水飯堂，試下佢哋出品！
其實我一向都係宵夜時間先會去食，黃昏時間我都真係第一次，估唔到佢哋除咗咖喱、腸粉呢啲小食外，原來仲有好多花款，6點前仲有個半自助餐，吸引好多打工仔收工同一家大細嚟食，睇嚟深受街坊喜愛啵！
今次嚟到，見到月中推出咗期間限定嘅湯丸甜品，只係做到2月8號㗎喳，想食嘅要趁早啦！
[價錢 Price]
💰$58
三色芋圓芝麻湯圓芭菲杯 🍨
小寧波 x 大飯糖系列，推出咗三款湯丸甜品，每款都創意滿滿，無論係中、西定玩味都兼顧到，分別有玫瑰桂花羅望子酒釀芝麻湯丸、爆炸糖椰絲榛子芝麻糖不甩同我揀嘅呢款三色芋圓芝麻湯圓芭菲杯。
呢個芭菲杯有大飯糖嘅招牌日本5.0軟雪糕，圍邊有芝麻湯丸同椰奶忌廉，杯底放滿芋圓同小丸子，食前一刻再喺雪糕上淋上微溫嘅芝麻糊，一杯食到多種滋味！
[價錢 Price]
💰$70
六盛・半自助午餐 🍽️
呢個好受歡迎嘅半自助午餐講嘅六盛包括主食、小食、甜品、飲品、自助餐湯及沙律，經濟實惠又飽肚，仲有得按份量收費，難怪會咁受歡迎！
麻香海蜇燻蹄肉飯 🍱
呢碗海蜇燻蹄肉飯大大碗，飯面上鋪滿大大嚿嘅燻蹄肉同海蜇，再淋上秘製醬汁、灑上芝麻，真係令人好滿足。我最欣賞佢嘅燻蹄肉，即使係厚切成角狀，但一啲都唔韌，豬皮爽口彈牙，瘦肉部分亦唔柴，無諗到糖水舖都有咁正嘅出品。
玫瑰桂花羅望子酒釀芝麻湯丸 (+$2) 🍡
甜品方面同小食都係每日更新，食客要留意餐廳內電視螢幕，睇睇當日有咩選擇。由於想試埋佢哋嘅湯丸新品，所以我哋加咗$2，叫咗一碗4粒嘅玫瑰桂花羅望子酒釀芝麻湯丸。
本來我怕酒味會好重，但估唔到玫瑰同桂花嘅香味更重，入口前花香撲鼻而嚟，花嘅香甜味同芝麻湯圓都幾夾。
鹽酥雞扒 🐓
小食鹽酥雞扒台味十足，份量都唔少㗎！喺炸過嘅雞扒上灑上台式味粉，合晒我哋胃口！
餐湯及沙律 🥫🥗
餐湯係青紅蘿蔔羅宋湯，材料豐富，有好多蔬菜同肉碎，湯底顏色呈鮮紅，無估到自助嘅湯品都好正喎！
沙律有粟米粒、生洋蔥片、生菜等，可以自己mix and match，可以揀芝麻醬同和風醬添！
[價錢 Price]
💰$25 (套餐加配價)
黑牛 🍫🥤
至於飲品，我就叫咗杯富懷舊風味嘅黑牛俾我老爸。呢度嘅雪糕真係無得輸，無論黑(朱古力)定白(牛乳)，都一樣香滑濃郁！配上好夠氣嘅罐裝可口可樂，正到痺！
Post
