爆丼屋 (Moved) New Location

想試爆丼屋好耐，但一直都驚多人無去食。呢日收工約左人去旺角，見都係下午茶時段，估計人流唔多，所以即刻過黎試下。雖然我地成3點先到，但前面都有2-3台客等緊，睇黎爆丼熱潮都仲未過！係外面望入去，餐廳裝修行工業風，簡約非常，灰色水泥嘅牆身上有著用粉筆寫嘅聯絡電話。星期日無午市定食，睇返menu，一個餐嘅價錢都唔平，最少都超過一百蚊，不過見相好似好大碗，又爆晒d配料出黎，CP值應該好高。睇完後，我叫左個三文魚火山盛丼，友人叫左個燒鰻魚盛丼。個三文魚火山盛丼令我有少少失望，因為我見有火山兩個字，以為上台嘅時候會見到火，點知係無可能d魚生係紅色先叫火山丼掛而且個碗真係比想像中細好多，袖真！不過d魚生係新鮮，鮮甜嘅！不得不推介友人嘅燒鰻魚盛丼我平時好少係香港食鰻魚，因為驚鰻魚會有腥味，不過今次呢個丼嘅鰻魚真係好好味！無腥味，肉質彈牙仲好甜！送飯一流！再襯埋個流心蛋食，真係好幸福啊此外，我地仲叫左個熊本產和牛生熟燒，不過佢比我想像中生d，食落口唔夠滑，感覺一般。總括黎講價錢比較貴，唔會成日食。