地中海舍 (Closed)

原來呢條街仔都好多野食bo!唔住附近or架車人士應該唔會發現。推薦各位唔太鐘意等位同人逼的朋友;)。我帶埋狗仔所以簡左呢間，貪佢有得坐出面。當晚有少少雨，氣溫ok唔熱，坐出面都冇問題，落左幾個set dinner!先黎一碗餐湯，我唔100%sure係咩湯，但應該係用綠色的豆豆做的！呢個湯唔會好似一般豆湯咁「確喉」，濃稠程度適中。豆味非常香濃亦好creamy，加上用少少香草點綴，竟然比忌廉湯優勝，仲冇咁「滯胃」呢。味以為呢碟青口紅色，一定又係茄汁味，原來係紅椒加其他新鮮蔬菜。啲青口隻隻肥美，冇一隻有沙。入味得來又唔會cover左青口的原味，我就連個shell啲汁都飲埋添。西餐都會有餐前小食，西班牙的餐前小食我卻未試過。呢件好似芝士蛋糕的原來係凍蛋餅，其實同潮州凍蛋角有幾分相似，不過冇菜圃。感覺幾新鮮得意，食完都唔會飽曬食唔落其他。呢個西班牙海鮮湯飯我唔太like…第一，個人喜好問題，我唔太鐘意龍蝦的味道，個湯底好明顯係用左龍蝦去「淆」；第二我唔太喜歡湯飯。如果係同樣味道同樣材料，焗飯會正好多，不過相對製作時間都會長好多。評心而論，湯飯中飯粒有咬口唔會成糊已經好出色，湯加入左名貴的番紅花同