Video
Read full review
2020-09-19
2184 views
新蒲崗簡約cafe「Wanna Eat」，木系門面好靚，之前係隔離上堂經過想食好耐，今日終於有機會🤩。開門入去左邊就係透明西餐水吧，睇到廚師們埋頭苦幹煮食😜。侍應店員好好禮貌，服務又細心，俾個👍🏻。睇睇餐牌 ，好多選擇仲有啲fusion，主要食西式野，估唔到有一版係亞洲菜喎！咕嚕肉、韓式芝士飯、台式三杯雞、川式麻婆豆腐，一間Cafe可以照顧哂不同口味嘅客人，非常唔錯😊。富士山($30)••••••IGable少女系特飲😘對呢種漸層無法抗拒！藍色效果好靚，面頭加左爆炸糖，底層類似係檸檬梳打，味道清淡似波子汽水。煙蠔煙肉意大利飯($106)••••••👍🏻正㗎！呢碟Risotto米粒收汁做得好，無多無少煮到米粒完美發大，剛剛好掛汁，煙蠔存在感好強，食落有好明顯海鮮蠔香味，汁味道似龍蝦汁(唔肯定🤪)。藜麥煙三文魚沙律($86)••••••好健康嘅配搭😆整體用沙律醋調味好溫和，清清地幾好，好喜歡高纖藜麥咬落卜卜脆。黑松露薯條($48)••••••去到邊度都要叫嘅😜黑松露油+巴馬臣芝士灑面+新鮮炸起帶皮薯條，點埋黑松松露沙律醬，好快清哂🤓。香蕉朱古力窩夫($68)••••••性價比好高！比一般糖
睇睇餐牌 ，好多選擇仲有啲fusion，主要食西式野，估唔到有一版係亞洲菜喎！咕嚕肉、韓式芝士飯、台式三杯雞、川式麻婆豆腐，一間Cafe可以照顧哂不同口味嘅客人，非常唔錯😊。
富士山($30)
••••••
IGable少女系特飲😘對呢種漸層無法抗拒！藍色效果好靚，面頭加左爆炸糖，底層類似係檸檬梳打，味道清淡似波子汽水。
煙蠔煙肉意大利飯($106)
••••••
👍🏻正㗎！呢碟Risotto米粒收汁做得好，無多無少煮到米粒完美發大，剛剛好掛汁，煙蠔存在感好強，食落有好明顯海鮮蠔香味，汁味道似龍蝦汁(唔肯定🤪)。
藜麥煙三文魚沙律($86)
••••••
好健康嘅配搭😆整體用沙律醋調味好溫和，清清地幾好，好喜歡高纖藜麥咬落卜卜脆。
黑松露薯條($48)
••••••
去到邊度都要叫嘅😜黑松露油+巴馬臣芝士灑面+新鮮炸起帶皮薯條，點埋黑松松露沙律醬，好快清哂🤓。
香蕉朱古力窩夫($68)
••••••
性價比好高！比一般糖品舖平又大份！有成一份半窩夫，一球朱古力雪糕，香蕉上面有烤焦糖😘好香甜，旁邊伴碟一啲都唔馬虎啊，有朱古力碎，加少見嘅黑糖果凍粒粒，口感好豐富。
Post
