新寶馬茶餐廳小廚

Open Now

Now Closed

星期一天氣好轉，入去坪州漫遊。行下家樂徑，行下海旁，好快就到三點三，於是在島上搵嘢食。搵來搵去，星期一有好多食店都冇開，選擇不多，最後入左呢間。餐廳面積不大，但防疫工作好嚴謹，探熱，掃安心出行少不得，坐低除口罩睇餐牌都即時叫你未食嘢請帶番口罩。都啱嘅，疫情始終未退。下午茶餐選擇很多，我們叫了法蘭西多士配熱茶，另一份就叫芝士火腿迷你牛角包配凍奶茶。法蘭西多士，大大件色澤金黃，面層焦香內層軟綿，牛油味濃厚，十分好吃。港式奶茶也有濃香茶味。芝士火腿迷你牛角包，牛角包真是十分細小，放在一個小盤內，很精緻。面包皮做得很酥，一口咬下去，鬆化好吃，面包又夠熱。凍奶茶就茶味不太濃，可能有冰把茶味淡薄了。今天島上雖然人流少，但餐廳都幾多人客，食物都可以。