Soul9+ (Closed)

之前同朋友傾開話北角錦屏街soul 9+ 嘅嘢食唔錯，呢日就特登同另一半嚟撐下枱腳。餐廳面積不大，佈置同裝飾都别緻用心，氣氛很好，坐得舒服。打開餐牌一睇，揀意粉、意大利飯或主菜，加$48可以升級為套餐有餐湯及沙律，就順便升級做套餐先送上餐湯，忌廉粟米湯香滑，入面有好多香甜粟米蓉，味美好飲。再嚟沙律，色彩鮮明，十分漂亮。除左沙律菜仲加有番茄、青瓜、香腸、甜柑等，以黑醋調味，清新開胃。主菜方面：烤墨魚仔薄荷檸檬醬墨汁意大利粉 ($128) - 賣相漂亮，墨魚仔爽口彈牙，表面烤得香口略帶微辣，墨汁意粉口感 al dente，配上鬆脆松子，惹味的芝士及韮菜，整體口感同味道都很好！😋原板海膽黑松露蟹膏意大利飯 ($158) - 擺盤精緻，海膽鮮美creamy, 意大利飯飯心略帶嚼勁，配上鮮味蟹膏及香濃黑松露，啖啖滋味，十分好吃！推介！👍👍👍凍薄荷朱古力 ($38) - 薄荷味及朱古力味夠平均亦夠濃，讚！凍榛子咖啡 ($38) - 榛子同咖啡味平分秋分，口感順滑，唔錯！呢度用餐不論食物味道、擺盤、氣氛都十分好，絕對值得一讚！