小林札幌拉麵

Open Now

Now Closed

大角咀舊區嘅博文街上，有一間小小的拉麵店。喺大角咀返工嘅朋友話食過覺得唔錯，今日就約我嚟呢度試吓佢嘅拉麵。我哋每人叫咗個一人餐，包咗一碗拉麵，一份小食同埋一支汽水。落單後店員首先就奉上薯仔沙律，賣相有啲似兩球雲呢拿雪糕，薯仔沙律係洋蔥粒同埋紅蘿蔔粒混入薯蓉入面，非常可口同惹味！朋友話要食辣嘢，所以佢就點咗辛辣拉麵配北海道南瓜薯餅。而我就點咗朋友另一推介嘅招牌牛油拉麵配串燒雞軟骨。辛辣拉麵加入咗香辣嘅肉醬，仲有粟米、筍、海帶、芽菜等配菜，少少辣，可以輕微刺激你嘅味蕾！至於招牌牛油拉麵，就係有一片牛油放喺湯嘅上面，另有兩片叉燒，同樣有粟米、荀、海帶同芽菜。牛油混入咗味噌湯之後，將味噌湯嘅味道都昇華咗。南瓜薯餅新鮮炸起，食落外脆內香甜。串燒雞軟骨總共有三串，燒得香口，食唔停口添！