香港仔君豪魚蛋王 (Closed)

牛腩河今日lunch去左食一間好出名既魚蛋粉，又真係名不虛傳wor~~我叫既係牛腩河走青，先講個湯底，清甜唔油膩，飲得出真材實料，無落味精。跟住就係個河粉，粗幼適中，好薄身，晶瑩通透，食落好滑，份量好足，一定食得飽。最後係d牛腩，肥瘦o岩o岩好，各佔一半，唔想食太肥既可以同佢講要瘦d，d牛腩食落口好腍，唔需要太用力咀嚼，而且好有牛肉既味道同質感，當然，腩汁既味道都吸曬入去d肉度啦。呢種風味真係好耐都未試過啦，俾人有一種好懷念從前既感覺。