遙

Open Now

Now Closed

因為同老人家一齊食，所以今次食日本菜全部都係熟食，整體味道唔錯，樓面似乎由老闆一人打理，真係辛苦晒。安格斯牛肉稻庭烏冬份量都幾大碗，安格斯牛肉幾好食，最重要係夠淋，老人家都咬到。叉燒拉麵味道都唔錯，唯一缺點係啲叉燒比想像中細，不過以$65一碗來講又無可厚非嘅。另一個就叫稻庭烏冬(即係淨烏冬)然後自己加一份日本南瓜天婦羅嘅自製天婦羅烏冬，份日本南瓜天婦羅一碟有五件，味道唔錯，南瓜嘅厚薄切得適中，烏冬都好滑。之後再加咗兩個餸，分別係金菇牛肉卷同埋燒白鱔。我想講個燒白鱔真係好好食，佢燒得好好，外面燒得夠乾夠趣且少少燶，鎖住入面白鱔肉嘅肉汁，而且唔會細細件。知佢個金菇牛肉卷味道都OK，只係比想像中幼身啲，唔似出邊食到嗰啲脹卜卜咁樣。