鱻屋 (Closed)

呢一間係西灣河著名地標大廈裏面嘅人氣小店， 大約七點三嚟到啱啱入座僅餘兩位， 跟住門外等候堂食及外賣嘅人絡繹不絕， 心諗咁多人幫襯都唔會衰得去邊， 果然有喜出望外之感覺， 小店主力以魚生丼做主打，另有手握壽司及刺身。我們叫咗雜錦刺身丼、海膽吞拿魚蓉丼及加兩件壽司( 因為壽司係每款單件計， 大約十至二十蚊不等)， 各款材料都好新鮮， 赤海老壽司~除咗個身之外蝦頭都有好多肉， 火炙左口魚裙邊有豐盛嘅油脂， 243元埋單以日式食品來說一點都不算貴， 呢間小店可絕對可列入encore之選。