串爸爸

Open Now

Now Closed

返屋企經過新開嘅串燒舖，於是就買咗一啲試下， 發現整體味道都不錯，尤其欣賞他們的包裝，有很多錫紙包裝，返屋企都係熱辣辣，有煙出，唔會有倒汗水搞到淋曬， 這對於食串燒十分重要。炸魷魚鬚 28分量都頗多有成大半碗，魷魚鬚十分彈牙，炸皮香脆可口。豬頸肉 18豬頸肉彈牙， 燒得剛剛好。Shakeshake雞翼尖 38雞翼尖加上孜然，實在係一流的配搭， 適合中意食骨的，送啤酒一流。炸生雞脾 32這隻雞髀十分有驚喜, 大大隻，而且炸生雞髀好難搵，因為好花功夫，需要時間。這個雞髀炸起十分鮮嫩， 仍保留一定的肉汁。茄子 42茄子十分大條，有成隻前臂咁長， 上面鋪滿了很多蒜蓉，一打開就好香，好適合鍾意蒜蓉嘅人，不錯，令人一啖接一啖。燒王子雞腎 18雞腎彈牙，爽口，如果可以多幾粒就好了。川味羊肉串 18沒有騷味，少少辣味，羊肉軟熟。花枝丸 15有七味粉喺上面，幾香口。整體食物質素不錯，等候嘅時間不會太耐，下次會再想試下其他串燒款式 。