熊本牛鍋 (永勝商業中心)

Open Now

Now Closed

見網上多評價便來試試，餐廳位於大廈的二樓，大廈電梯比較古舊，如果自己一個可能不敢搭，幸好跟朋友一齊來。餐廳座位間較近，二人座位加些間板會更好。皇牌套餐 | $258先食海鮮雞煲，海鮮有4隻蜆、4隻蝦🦐、2隻鮑魚，稍為加熱就食得。雞煲微辣，有許多豆腐卜及洋蔥🧅，食夠後便可加清湯打邊爐。如有需要選擇湯底，可加$20。牛肉有牛小排及牛肩胛，牛肩胛肉質較實，牛小排油脂較多及軟身。一開始每一款會有一盒，如果需要加單，要直接跟侍應講。飲品有啤酒及汽水任飲，吧枱有打邊爐配料，主要為蔬菜及丸類。比較欣賞它的雪糕，有三種口味，曲奇、士多啤梨、芒果，雪糕軟身。