Video
Read full review
2017-03-20
156 views
今晚要自己食晚飯，想靜靜地食又唔想太求其，於是就去咗大角咀呢間小店。可能因為係weekday嘅晚上，博文街雖然有唔少餐廳，但都頗為靜局。七點幾去到，小店無乜人，於是我隨便坐低就開始揀嘢食。Set dinner有幾款揀，有平有貴，豐儉由人。今晚我就揀咗香煎原隻虎蝦意粉，配甘筍忌廉湯。忌廉湯質感濃滑，有淡淡的甘筍味，感覺健康又好味。然後，等左一陣主菜就嚟啦。碟意粉一上枱，第一個反應係有少少失望，說好的虎蝦咁細隻嘅😩 不過食落口啲蝦又幾新鮮爽口，仲要有好多隻！！另外，個龍蝦汁都有驚喜，味道夠濃郁，撈埋煮得口感滑溜而又軟硬適中嘅意粉，同埋鋪係面、溶溶地嘅芝士一齊食，成碟主菜都幾滿意🙂其實飲完個湯、食埋個意粉都已經好飽，不過見到有甜品食，於是又叫左個焦糖燉蛋，甜品可以放喺另一個胃的！甜品都幾快就出現了。面層的焦糖即叫即燒，香脆好味，配埋質感軟綿嘅燉蛋真係一個唔錯的飯後甜品！不過如果個燉蛋蛋味再香濃啲就更加好啦！今餐雖然簡簡單單，但食得舒適又滿足，下次可以同男友黎据下扒飲下酒🙂
七點幾去到，小店無乜人，於是我隨便坐低就開始揀嘢食。
Set dinner有幾款揀，有平有貴，豐儉由人。今晚我就揀咗香煎原隻虎蝦意粉，配甘筍忌廉湯。忌廉湯質感濃滑，有淡淡的甘筍味，感覺健康又好味。
甘荀忌廉湯
13 views
0 likes
0 comments
碟意粉一上枱，第一個反應係有少少失望，說好的虎蝦咁細隻嘅😩
香煎原隻虎蝦意粉
16 views
1 likes
0 comments
其實飲完個湯、食埋個意粉都已經好飽，不過見到有甜品食，於是又叫左個焦糖燉蛋，甜品可以放喺另一個胃的！
甜品都幾快就出現了。面層的焦糖即叫即燒，香脆好味，配埋質感軟綿嘅燉蛋真係一個唔錯的飯後甜品！不過如果個燉蛋蛋味再香濃啲就更加好啦！
焦糖燉蛋
16 views
1 likes
0 comments
Post
