蝦麵店 (海光街) (Moved) New Location

講湯麵，我最喜愛既湯底相信一定有喇沙湯份，喇沙又叫叻沙，通常都配埋啲蝦、魷魚等海鮮，係馬來西亞、新加坡一帶既傳統美食。不過呢，其實我第一次食喇沙並唔係喺馬來西亞或者新加坡，而係喺灣仔。我記得細細個既時候，我既媽媽帶左我去灣仔一間小店度食，之後就一試難忘。今日發現呢間小店原來喺呢度開左分店，即刻當然入去回味下。先叫左一碟通菜同魚皮。魚皮超脆！而且好大塊！我就點左個喇沙麵，係兒時既味道啊，味道非常濃郁海鮮配料既種類又夠多麵底揀左摻摻，即係兩種麵mix 埋，既有口感，又可以索到湯汁！朋友食豬骨雞湯底既蝦肉肉骨麵飲品叫左青檸梳打，正