葫蘆館 (Closed)

同朋友去到牛頭角食完飯，想吹下水食糖水，行去apm或者港記好似有點遠，就跟朋友嚟到呢間葫蘆館。叫咗呢碗，本身係紅豆湯嚟，佢加咗好多陳皮，所以好香。我又好想食芋圓喎，所以就加錢試下，同紅豆湯都幾夾，雖然佢芋圓分別有番薯、芋頭、紫薯，可惜芋圓無味，淡茂茂，所以下次唔會專登加錢去食。另外，朋友叫咗佢招牌嘅薑汁撞奶，唔錯，都幾正宗好夠辣，所以怕薑怕辣嘅人要留意啦，可以落單之後同佢講小辣，咁就更容易入口了。