新鳳凰餅店

Open Now

Now Closed

屋企人買咗一打蛋撻返屋企，呢一間蛋撻店喺地鐵站隔離，生意一直好好，有好多麵包買，亦有好多包裝嘅餅乾，因為近住一條後巷，衛生一般，但味道唔錯，我試過佢哋嘅三文治，幾足料幾好食。蛋撻盒包裝簡單，銀色嘅花紋，包裝唔算花巧，小小老土。蛋撻熱辣辣食，真係無得輸。蛋撻外型好完整，曲奇餅撻皮，撻皮有少少厚度，食落去好鬆化，唯一挑剔嘅地方係焗得有少少焦，覺得唔算平均蛋漿金燦燦，食落去都幾滑，焗得好D焦，蛋味算突出，好彩都唔太甜。雖然焗出嚟嘅蛋撻一定冇連鎖店咁靚，但支持下小店都應該。