Video
1-min walk from Exit C, Quarry Bay MTR Station
continue reading
Telephone
25613116
Payment Methods
Above information is for reference only. Please check details with the restaurant.
鰂魚涌地鐵站C出口七姊妹道轉角有一間麵包舖，我要介紹佢哋嘅蛋糕—朱古力三角，真朱古力，特大，忌廉與蛋糕層層相間。食過一次返尋味，不過唔係成日有貨。老闆娘話一星期只出一日，通常星期三或四，講唔埋要睇師傅，係就通常喺兩點前，我就嚟過好多次都摸門釘。今日星期五，兜路行過竟然有見到，勁開心好似中咗六合彩咁興奮。聽講限售三盤，輪到我已經剩返最後一底，標價每件$9，兩件$17，四件有盒，我二話不說要盒。意想不到，一家隱世小店就喺左近。
continue reading
雞批，菠蘿包，雞尾包是香港有名的食物，每個訪港旅客更會品嚐位於鰂魚涌c出口的新鳳凰餅店。每日早上七時為屋民同寫字樓一族提供熱辣辣的麵包做早餐。前舖做銷售，後舖是焗爐的地方，每日行過都會飄黎陣陣香氣。店舖裡銷售的種類好多選擇，例如雞尾包，提子包，斑蘭蛋糕，香蕉蛋糕等等，特別一提是菠蘿包。如果客人要菠蘿油，仲會即刻放入冰凍既牛油。門口的雞批同蛋撻都係鎮店之寶，唔賣酥皮，只賣傳統的牛油皮，雞批更係我老闆的最愛，就連開會既下午茶同退休禮物都係送雞批。蛋撻熱辣辣，蛋漿部分十分香滑，是一間老字號的餅店。#hkfoodie #hkfood
continue reading
依家朝早想食個熱辣辣嘅麵包真係唔容易，好多時連鎖麵包店都係喺廠做完個麵包，再送去間店度，所以買親嘅麵包都係凍冰冰，仲好多時係運送過程，壓扁曬個包，攪到咬兩啖就冇晒🥲，食完都肚餓。今次呢間店，雖然喺正鰂魚涌站出面，但價錢實惠，返工買早餐又方便又慳錢，佢款款麵包都大件有份量，絕對唔係空氣麵包！今次我揀咗最簡單吃芝麻餐包 ，又名 #豬仔包 ，喺兒時回憶中嘅麵包🥯！而家$10都唔洗就買到大過我手掌嘅麵包真係唔易，少少鹹味，麵包鬆軟得嚟又有咬口，可以搣開一絲絲咁食，係會食得飽嘅早餐麵包！送咖啡一流～👍
continue reading
舊式小店買少見少，每次經過這餅店都想幫襯下，不過每次都很趕時間，這次終於有機會入去揀個麵包試試。款式跟連鎖集團的餅店差很遠，買了一個吞拿魚沙律薄餅麵包，竟然只是$8，足料好味。基本上店內大部份麵包都不超過$10，不過看上去很多餡料都不可以放太久，我又不是即時回家所以就只買了這個包吃😋
continue reading
呢到既芝士雞批真係好好食👍🏼特別係新鮮出爐嘅時候，係特別香，批皮都出色唔會有一陣油味，足料$10 黎講，實在抵同值得一試！仲有朝早會買呢到既腿蛋餐包，個包係甜甜地，絕對唔係空氣包，自己加熱返黎食仲好食
continue reading