Video
Read full review
2017-08-27
1531 views
今天想食扒，於是就去“食臺”開餐，別誤會，不是台灣菜。此店是我一直都很喜愛的食肆，它是一間價廉物美的西餐小店，店舖不大，座落於葵涌運動場對面，在區內較靜的位置，不太起眼，唔留意的話，行過都唔覺有間餐廳。由於店舖細小，此店一到晚飯時間就開始要排隊等位，作為顧客的我們早已習慣了，要食好野，等下都值得的，但我們一般都會較夜去食，避開繁忙時間，今天好好彩，去到剛好有位。店舖不大，一眼睇晒，坐滿客人時會比較迫，店內只得一位女侍應來招待所有客人的，她好 nice，經常和我們有講有笑。店內留言板上貼滿顧客的讚好留言。店內共有20個坐位，2~4位較易揾位，若6~8位或以上則較難揾位，最好預早打電話問下，以便作出適當安排。店舖雖小，餐牌的款式都算是多種類。家人叫左一個五成熟的美國安格斯西冷。加$10 可配飯或意粉，家人叫左飯配黑椒汁。淨係睇賣相都吸引，廚師用心製作，扒餐配菜豐富，有蔬菜沙律、薯角、焗蒜頭、配以藍莓醬汁，還配上2條炸意粉插在薯角上裝飾，令成個餐賣相更加吸引。家人比較喜歡牛扒生D，五成熟啱佢，牛扒份量都算大份，肉質軟熟唔韌，蘸醬汁來吃，帶㸃酸酸甜甜，減少牛扒的油膩感，令口感更豐富。我怕肉太生
此店是我一直都很喜愛的食肆，它是一間價廉物美的西餐小店，店舖不大，座落於葵涌運動場對面，在區內較靜的位置，不太起眼，唔留意的話，行過都唔覺有間餐廳。
由於店舖細小，此店一到晚飯時間就開始要排隊等位，作為顧客的我們早已習慣了，要食好野，等下都值得的，但我們一般都會較夜去食，避開繁忙時間，今天好好彩，去到剛好有位。
店舖不大，一眼睇晒，坐滿客人時會比較迫，店內只得一位女侍應來招待所有客人的，她好 nice，經常和我們有講有笑。
店內留言板上貼滿顧客的讚好留言。
店內共有20個坐位，2~4位較易揾位，若6~8位或以上則較難揾位，最好預早打電話問下，以便作出適當安排。
店舖雖小，餐牌的款式都算是多種類。
美國安格斯西冷
$128
111 views
0 likes
0 comments
家人叫左一個五成熟的美國安格斯西冷。
加$10 可配飯或意粉，家人叫左飯配黑椒汁。
淨係睇賣相都吸引，廚師用心製作，扒餐配菜豐富，有蔬菜沙律、薯角、焗蒜頭、配以藍莓醬汁，還配上2條炸意粉插在薯角上裝飾，令成個餐賣相更加吸引。
家人比較喜歡牛扒生D，五成熟啱佢，牛扒份量都算大份，肉質軟熟唔韌，蘸醬汁來吃，帶㸃酸酸甜甜，減少牛扒的油膩感，令口感更豐富。
芝士青蠔牛肩扒
$93
52 views
0 likes
0 comments
我怕肉太生，所以叫左七成熟的芝士青蠔牛肩扒。
這個扒賣相重靚，青蠔肉肥大好味，牛扒雖然七成熟，但肉質唔韌和唔鞋，肉質軟稔，好味，我最喜歡食它的薯角，熱辣辣，皮外脆肉內軟。
大家請留意，我這個扒餐是冇焗蒜頭的。
焗蒜頭
41 views
0 likes
0 comments
鍾意食蒜頭的朋友，不妨一試這道配菜，蒜頭焗後味香肉稔，原粒就咁食或壓碎連牛扒一齊食又得，有不同口感。注意，不是全部扒餐都配焗蒜頭的。
扒餐奉送飲品及甜品
木糠布甸，焦糖燉蛋
91 views
0 likes
0 comments
兩款甜品我都喜歡，我個人比較食得甜，所以我唔覺太甜，但家人怕甜，所以焦糖燉蛋會叫少焦糖的。
由我第一次光顧此店後，就經常同家人來鋸扒了，因為無論價格、食物質素、服務態度都無得輸，勝過好多大餐廳，每次用膳都食得好開心，唯一美中不足的是地方所限，比較細和迫，有時想坐耐D都唔好意思，怕阻住人家做生意，但我唔介意。
一句講晒，此店必試！
請注意，此店是逢星期一休息架，唔好摸門釘！
Post
