La Postre (永樂街) (Closed)

難得我們都free，唔洗上堂，帶著相機，與姊妹鑽入上環掃街。行咗一大轉又熱又肚餓，想搵個地方休息下。街上的餐飲店坐了不少人，想要安靜，見到街邊有poster，所以決定上樓試下。上到去同想像中差不多，店面不太，裝飾卻別有一番風味。以藍色為基調，很雅緻，喜歡他們的燈飾。我要咗個lunch set，先上紅湯。湯的口味偏酸，不過合我，因為好鐘意「呷醋」😂大碗湯，麵包細細塊，過過口癮又唔會滯。西班牙白酒海鮮意。上碟幾靚，撈起意粉下邊有濃郁芝士拉絲，見到到令人胃口大開。食起身的話，反而未品出酒味，稍微淡咗啲。飲品跟餐只需加15蚊，嗌咗雜果mojito，即係水果soda，都算係賞心悅目。到甜品時兩個人已經飽飽地，見到mix fruit mochi waffle 係招牌，就要咗半份，一人一塊啱好。無花果酸酸甜甜配埋雪糕好解膩，窩夫香甜但不漏，推薦！Sexy Six 真係好吸引，可惜人得一個肚，食物份量又够誠意，唯有留個遺憾下次再試。