La Postre (永樂街) (Closed)

同事生日聚會預先可以睇左餐單及預訂甜品減少了午餐繁忙時間仲要睇餐牌多出來的時間便可以用嚟傾偈食物比上一次已經有改進西班牙海鮮飯好食配菜薯條如果轉為薯角更好咖啡可以檸檬茶不可水吧要努力冷涷飲品加錢不合理特飲加錢合理因為這是茶餐廳才做 感覺不好

噚日行過上環，喺地鐵口有個姐姐派左張傳單比我，話憑傳單廣告幫襯有9折，正好有D餓就上去試試，平日過開嚟都無特別為意CSTower上樓有嘢食。上到去餐廳裝修都有D特色嘅，可能是5點幾，餐廳得我一抬，個哥哥仔安排咗個窗口位比我，跟住介紹話佢哋有個新菜是蜂蜜烤鹽花魚，正好晏D重要同老婆食飯，就叫了一條，另外問佢有咩酒介紹，佢話食烤鹽花魚最適合配氣酒，因為佢哋兩款CAVA同香檳都只有支裝SERVE，最終叫咗支CAVA試試，支酒幾好飲口感唔錯，女仕應該會更喜歡，份鹽花魚都幾野味，特別適合配埋酒去食。餐廳整體環境氣氛都很舒服，睇過下佢個MENU，價錢屬於走親民路線的，主菜最貴嗰款西班牙烤乳豬都係$328(4件)，而西班牙海鮮燉飯2人份都只係$338，埋單節後只是$352，下次會帶埋老婆過嚟試下。

剛過咗Probate約咗Mentor請佢食晏答謝下佢，上嚟見到依間La Postre就喺公司附近，睇埋份午餐Menu價錢又唔貴 (對比其他似樣D嘅餐廳)，直接喺Openrice Book埋位有折又唔洗等，上環食晏周圍都要等位真係煩，就Book依間試試。可能係提早Book，佢哋留咗個角LOK梳化位比我哋兩個人，雖然左右兩邊都各有一枱，但比較位正中間那排位，已經很寛敞了，佢哋午餐時間都多人下，中間見到有幾枱客可能無BOOK位，上到嚟都已經滿座了。Mentor叫咗西班牙海鮮飯套餐，我就叫咗份軟殼蟹天使麵套餐，另外加咗份抺茶麻糬窩夫。埋單都係$423，而佢哋嘅午餐有齊湯或沙律、主菜、甜品及餐飲，而且主菜份量都好大份，足料夠味，特別係軟殼蟹是完隻的，而份海鮮飯海鮮亦很足，而份抺茶麻糬窩夫相對嚟講就無乜驚喜，正常嘢。但整體嚟講價錢、環境、食物等各方面，我個Mentor同我都覺得好滿意，原來我個Mentor喺公司做咗幾年，今次都是第一次嚟依度食，佢都話以後都會再嚟。請人食飯最緊要對方都滿意，感覺自己今次選擇很正確。😃

今晚朋友約了去一間在上環永樂街的上樓西班牙餐廳聚舊。朋友知我是路癡話特別揀間近地鐵站口又易搵的餐廳聚聚，出了上環A2出口轉右，過咗馬路行幾步就見到CS TOWER，餐廳在3樓，可能是商業區掛，7點到連埋我哋都係4枱客。我們被安排坐喺近窗卡位，店內裝修都有點特色，大個金金屬大鐘，整體感覺有點舊式歐洲火車站感覺，電視屏就播緊D西班牙美食及旅遊片段，背景播放輕微的西班牙音樂，整體氣氛都令人很Relax。食物方面朋友點了每人一份西班牙海鮮濃湯、幾款TAPAS、烤乳豬、松葉蟹意粉同一份朱古力布朗尼窩夫。整體嚟講味道很好，西班牙海鮮濃湯有D似龍蝦湯味道，帶子口感很好; TAPAS方面特別要讚份蒜片蝦，蒜味濃、蝦彈牙、香草包點醬最好味，最重要係唔會太多油。朋友特別推薦一定要試乳豬，可能是用慢煮方式，相對其他餐廳的西班牙烤乳豬，依度的肉質會保持到鮮嫩多汁，外皮能保護西班牙烤乳豬的一貫脆度，配合烤菠蘿一齊食更正。松葉蟹意粉芝士味同海鮮味都好足，好味。報告完畢，這間叫 LA POSTRE 的西班牙餐廳，值得同大家推介下。

今日去完上環開會兩點幾先完，本來諗住返天后先食晏，但行到永樂街近地鐵站見到CS TOWER樓下有幾支BANNER，一間感覺上係酒吧，另一間係西班牙餐廳，而且見D午餐都幾多選擇加上價錢唔貴，就上去試下，她們在3樓叫LA POSTRE，睇個名估計佢哋主打甜品掛。可能已過午餐時間，在場淨番幾枱客，最終她們安排咗張窗口卡位，一個人坐哂將4-6人位有D唔好意思。問佢哋重有無午餐，她們說午餐供應到5:00PM，睇完餐牌揀咗份Paella，問佢哋餐飲可唔可以轉House White，佢哋話可以補錢轉，服務都好有彈性。份Paella份量很足，所有海鮮都彈牙及夠味，而個飯底不會太乾或太濕，而且有海鮮味道，真係幾好。而杯House White是澳洲的，入口帶點甜味，味道亦Okay易入口的，最終再散叫多兩杯，原本想再散叫份聖地牙哥蛋糕試下，但她們的Paella真的有D份量，真係飽下次有機會再試。環境氣氛舒服休閒，她們的員工亦不會一見我停手了就趕住收嘢趕客，因為當時見她們其實是開始員工用膳時間，服務員是主動過嚟話我可能慢慢享用，唔急的有需要叫佢哋就可以，服務感覺很好，我才放心睇埋套劇。

平日午餐時間嚟，特別係12點半到1點這店都幾爆，今天要見客試下Book 點半晏少少，1:30 到真係比較好D，他們剛好有卡位安排比我，客人2點幾才到，他們的午餐原來到下午5點都有供應，最終叫咗3個午餐，之後加多Round嘢飲，最終同客人傾到3點幾先走，整體環境氣氛都好啱傾嘢，不會太嘈雜，而價錢都算親民，午餐都係百零蚊位，位置環境真係算抵，加上經OPENRICE BOOKING全單有9折，而且他們的員工又不會來催單之類的，他們是以QR Code自助落單的。如果係其他餐廳等客等9個字? 不知有幾多人走來催你落單了。講到食物，午餐中的黑毛豬鞍很入味，另外就係份牛肉芝士漢堡，都係值得推介的，他們的咖啡亦係夠濃夠香的，如在中上環區見客見朋友，這店都係好選擇。

尋日結婚十週年同老公嚟呢度食飯，我打電話嚟book枱都有講係十週年慶祝，點知都有少少驚喜，安排我坐靠窗的卡位，Waiter仲識同我講添喜，外面有少少落雨，Waiter一見到我有少少濕即刻俾餐巾同埋一杯暖水，成餐飯都好貼心。食物水準唔錯，價錢又唔會好貴。呢個價錢呢個環境呢個高服務水準喺香港真係好少再搵到，老公都話以後每年都希望返嚟呢度食。我老公鍾意食沙律，材料十分新鮮，蔬菜好有水份，個醬料最正。下次嚟呢個一定係必食之選。

成間舖面得嗰兩個人，落單又送餐，明顯人手不足啦，我哋去食晏好彩12點就落去，遲啲佢都有排等呀我哋坐卡位，但係就喺坐位隔離，有老鼠屎又有毛髮🥶 有圖有真相:Burger一般，又唔係特別好食，但係又唔係特別差嘅，跟餐嘅黑松露薯條 (係常餐唯一一樣食物) 幾好食，天使麵好垃圾，啲汁又淡又水nel nel👎🏻 軟殼蟹都唔係話好香口，可能因為掂到啲水nel nel白汁呱?一路食一路驚, 會唔會有老鼠喺隔離行過㗎🥶

會encore的餐廳環境舒服 坐椅好坐食物質素好又大份西班牙海鮮飯 好多海鮮二人份夠大份夠食前茶同餐湯都好食最好係甜品 草莓慕絲撻 唔太甜 不過太細件大件啲會更好水果茶也很好喝

隱匿在寫字樓群裡的西班牙美食，海鮮飯足料新鮮，大大魷魚彈牙爽脆；白酒煮青口味道濃郁，藜麥營養健康，吐司外嬌里嫩！靚仔服務生人超級nice ，體貼細心！那杯americano 念念不忘

今日介紹上環一間親民西班牙菜🇪🇸 咁岩食飯個晚係閒日 比較靜 好岩傾計☺️ 餐廳以前好似有個芝士煎蟹餅好出名 但轉左7th anniversary menu 後搵唔到 🥺 但menu 都幾多選擇 咁就試下其他啦 💁🏻‍♀️ ⁡🥘 西班牙海鮮燉飯 $338超足料既海鮮鋪滿飯面😍 除左青口、帶子、蝦、原隻魷魚、 蜆，仲有辣肉腸， 絕不欺場。 飯身唔會太硬或者太鹹岩岩好！⁡🦐 傳統西班牙蒜片蝦 配香草麵包 $108 第一次食蒜片蝦， 上碟一塊塊既蒜片唔算多， 但啲油好重蒜味，仍比較稠身，好似蒜泥咁。 點麵包食真係好香口。 蝦身彈牙， 但蒜味冇咁重，成道菜反而覺得麵包好搶風頭🤣⁡🐖 12小時慢煮傳統西班牙烤乳豬伴焦糖菠蘿 $328 慢煮出黎既乳豬真係比出面食過既更加淋滑， 皮脆肉嫩。 最特別係伴菜焦糖菠蘿🍍，比起出現常見嘅焗薯菜嚟都有心思，酸酸甜甜好解膩！ ⁡🍓Sexy Six $208 Sexy six 絕對會係呢一餐最有特色既！ 餐廳除左有西班牙炸油條, 或者常見既crème Brûlée / 窩夫， 仲有呢個由6款甜品組成既Sexy Six ! 有士多啤梨酸乳酪、 綠茶朱古力布朗尼、 石板街

位於上環永樂街的樓上小店，裝修有特色，19世紀歐式火車站的風格，上次去跟朋友點了一份牛扒，約四安士分量，所以有點薄身，影響了口感，其他都很不錯（甜品還是可以好一點）今日再上去特別一試牛肉漢堡包，先上西蘭花湯，加上薯蓉特別有口感！牛肉漢堡有堆頭有份量，漢堡扒沒有問成數就全熟上，但沒顯得柴皮，下面厚厚pickles好好食，很有解油膩！面包滿滿牛油再焗，脆口暖暖剛好！ 高分！跟餐iced coffee, 要等一等，原來杯夠冷身，夠凍的，微酸的口味不錯。我覺得這店最吸引的是lunch set有甜品，今次的比上次麻麻地紫色瑞士卷好，紅豆 mousse cake，有紅豆味但還是可以減甜。 總結$108加一，相當好的選擇，比點扒餐的好.

琴日同朋友黎左la postre 食dinner 覺得ok 但唔太抵食，都係食環境，但好明顯比個derver 催同埋chur. 食完野就即刻收走d 碟，同埋都會催落單，埋單同埋走。呢間野啲野食就ok, 食都係食個環境，打吓卡咁樣，但比人催就麻麻地中意。我諗唔會有下次，但野食就都ok 嘅，我覺得過得去。因為琴日個朋友第一次見，所以都想搵間靜d 又唔會催人嘅餐廳，不過我都幾意外佢會催我走，催我落單，之類。公平講句，食物真係ok.

已經係尼度幫兩位朋友慶祝過生日，基本都嘗試完裡面的菜式。海鮮飯好大份，兩個人都夠食。菜式都特別。如有朋友生日或紀念日，可以請他們幫忙在甜點🍮上寫名字和祝福語，仲會幫忙點蠟燭，好貼心。

之前已經食過呢間西班牙菜位於尖沙咀厚福街既分店😂前排等朋友收工見上環都有分店決定再訪，環境好舒適，好岩一大班朋友gathering😚_ 🥗黑毛風乾火腿火龍果黎麥沙律 $108今次都叫左個沙律refresh一下😝黑毛風乾火腿帶鹹香，配上清甜既火龍果好開胃，黎麥高纖同時低脂，感覺更健康☺️ 🐷12小時慢烤西班牙乳豬伴焦糖菠蘿 $298作為主打招牌果然冇令人失望，外皮好香脆，肉質保持嫩滑，食既時候仲有肉汁😀配埋特色醬汁有助減低油膩感，值得一讚個焦糖菠蘿同蕃茄仔都好甜，配搭得宜🍍 🧇抹茶麻糬窩夫 ($88/Half or $128/Whole)聽聞餐廳既窩夫好出名，所以叫左半份試吓，份量以食完正餐後已經好充足💜 麻糬好煙韌，外皮香脆，配上抹茶好夾🍵 🍺Estrella $42 今次都叫左1枝西班牙啤酒試下，味道都好易入口，重小麥香🤓一枝係一杯既份量大家可以同朋友飲番杯Chill下😉