可可豬海南雞專門店 (寶榮大廈) (Closed)

炮台山附近其實都幾多小店，好似呢間可可豬，地方真係唔算好大，得幾張枱，但店舖雖小五臟俱全。呢度除咗海南雞飯，吸引我嘅仲有滋補燉湯，例如我今日叫嘅呢個食療拿杯湯，佢寫明每周不同，今日就係雪梨桂圓雞湯，清甜又滋潤，跟餐都只係$18咋，啱晒我哋呢啲唔得閒煲湯嘅都市人。今日想試吓新野，揀咗個香辣口水雞，連我平時唔識開辣野嘅都唔覺得佢太辣，入口惹味甘香，雞又保持到滑嫩，都幾唔錯。仲有少少沙律菜半碟添。疫情期間因為成日買外賣，我都會自備飯俠，不過呢間舖頭就一定要用佢哋嘅盒，唔知係咪為咗保持質素呢。