Video
Read full review
2019-07-14
25 views
成日都去大圍做嘢但好少去隆亨附近，今日行過發現有一間日本嘢嘅小店，我都好想入去試下。見到佢嘅裝修好有日本居酒屋風格，坐位都非常之舒服闊落。叫咗四款刺身有甜蝦、油甘魚、三文魚腩、活赤貝，又大件有新鮮價錢又唔貴。媽媽話想食啲飯落肚，咁我就叫咗個炒烏冬同埋加州卷， 海鮮炒烏冬入面居然有原隻大紙同埋蝦， 而且炒出嚟唔會太鹹好有驚喜。跟住我仲要咗兩串串燒，因為我真係好鍾意食帆立貝，而烤五花肉串雖然有少少肥有少少罪惡感，但食落的而且確好香口。然後我就嗌咗個天婦羅豆腐， 感覺清清地好滑溜減低罪惡感。媽媽仲要咗份肉眼扒，我哋都唔知道個份量係咁大嘅，食曬咁多嘢落肚真係飽到捧住個肚走。同埋可能因為係小店嘅緣故，呢度嘅員工好友善同埋好快斟水，值得一讚!
叫咗四款刺身有甜蝦、油甘魚、三文魚腩、活赤貝，又大件有新鮮價錢又唔貴。
媽媽話想食啲飯落肚，咁我就叫咗個炒烏冬同埋加州卷， 海鮮炒烏冬入面居然有原隻大紙同埋蝦， 而且炒出嚟唔會太鹹好有驚喜。
跟住我仲要咗兩串串燒，因為我真係好鍾意食帆立貝，而烤五花肉串雖然有少少肥有少少罪惡感，但食落的而且確好香口。
然後我就嗌咗個天婦羅豆腐， 感覺清清地好滑溜減低罪惡感。
媽媽仲要咗份肉眼扒，我哋都唔知道個份量係咁大嘅，食曬咁多嘢落肚真係飽到捧住個肚走。
同埋可能因為係小店嘅緣故，呢度嘅員工好友善同埋好快斟水，值得一讚!
Post
