Steak’er

Open Now

Now Closed

成日聽到人話支持小店，的確，元朗區有不少小店，好在唔係大商場倒模式經營，選擇多但同時競爭也大。 講到小店，食的是有份人情味吧。 晚上9點幾同老公搵食，經過見到呢間西餐新開，入去試一試。 點知一入去坐底連menu 都冇，原來waitress 掛住擺其他枱的位，但其他枱都冇人坐⋯ 咁又等左2個字先有份menu叫野食。叫左二人餐，4百幾再加一差不多500頭盤係海鮮。 生蠔係新鮮的，但問好似老闆的人係咩國家，佢話唔知道...其他海鮮夠唒凍，直情係冰的。如果可以解凍多d就好。 再之後係湯，黎到想問佢係咩湯，佢放低後頭也不回就走左去... 可能係甘荀湯，冇咩味。 之後叫左扒同意粉，都好味的。 最後的甜品係幾粒泡芙，應該係叫貨唔係自己整果隻。其實呢間餐廳的廚房出品係唔錯，但樓面服務未夠周全。成間店得6枱客，但感覺服務員同老闆都好像唔多關心食客，什至好似連野食都唔知詳細。畢竟，雞地西餐最少6-7間，如果要留客，除左野食外，服務係要改善的。