組長日式放題 (Closed)

今晚6點幾放工即興打電話book枱食呢間放題，聽電話既店員話:6點至7點就$178加一，7點打後就$198加一。我係尖沙咀返工，7點一定到，跟住我就book左7點，亦好準時到左。埋單個時變左$188加一，張單既入座時間係7:03分，於是問點解，佢地話係計book枱既時間，我話我地咪book左7點囉，應該係$178加一。跟住佢就話唔係咁計，然後就唔出聲企係到等我地俾錢。我真係唔知佢點計~所以大家去呢間餐廳前要多加留意，因為店員係唔會同客人講清楚價錢!今次可以話係誤會，但既然你話係計booking時間，咁店員就有責任係booking既時候同客人講清楚價錢。呢間餐廳令我覺得佢地做生意唔老實。