人和荳品廠 (Moved) New Location

細個嗰陣爸爸成日帶我去九龍城食豆腐花所以對舊式嘅荳品店其實有個情意結咁啱今日同老公出開嚟銅鑼灣喺人和荳品專門店附近於是我就提議一齊去飲支豆漿唞一唞因為天氣真係好熱🥵食物選擇貴精不貴多因為我哋都唔係好肚餓所以就叫一支凍豆漿share再加碟魚肉煎豆腐凍豆漿非常夠凍喺呢個大熱天之下飲一啖真係好解暑豆味亦都非常香濃👍🏾至於碟魚肉煎豆腐因為係新一輪煎起嘅所以非常夠熱豆腐亦都超滑！點埋豆瓣醬同甜醬一齊食好有舊式嘅味道就係咁樣小歇一陣好過去咖啡店坐幫襯小店仲開心🥳