老夫子餐館 (Closed)

臨近中秋佳節，又係聚會的時刻了。 之前見朋友去左呢間餐廳影相好得意，所以一直都想試試，終於約到另一半去。 去到即刻點左杯老夫子玩意（忌簾溝鮮奶）嘩, 一看到杯飲品既賣相十分別緻又好好玩, 可以先吃上層的棉花糖, 甜而不膩, 然後可以飲口忌簾, 不知道是不是因為吃了棉花糖的原因, 覺得底下的忌簾反而不甜, 但卻可以中和棉花糖的甜, 兩者一齊食幾夾, 女生絕對喜愛。主菜我們點了兩個一起分享, 首先是百花齊放-蒜蓉大蝦番茄汁意粉, 意粉非常彈單, 而且茄汁撈得很均勻, 很有茄汁香味, 蒜蓉大蝦是很大隻的虎蝦, 開邊煮, 令蒜香更易吸收更突出, 而且肉非常厚身, 真棒。另外叫了世外桃源（焗豬扒飯）, 賣相不錯，而且份量非常多。味道有少少甜，可能茄汁加多了糖，不過整體食起來酸酸甜甜，豬扒好林好入味，好岩我食，而且豬扒已經切好，方便進食，非常細心。最後當然唔少得甜品啦！呢度主打有香橙梳乎里，我地點了一個份量超級大的香橙梳乎里兩份食，雖然食落橙味唔夠突出，不過蛋香就非常濃郁，配埋淡奶令到蛋香味更突出，非常好食，又好好玩，絕對值得一試。完場時即刻衝去同大蕃薯影相，全晚都好盡興。