牛陣 (愉景新城)

Open Now

Now Closed

是日約左朋友去帶埋小朋友荃灣愉景新城牛陣打邊爐，叫咗個$279日本產黑毛和牛及日本產豚肉套餐。先講環境，乾淨企理枱面完全冇油淋淋，座位闊落，方便照顧小朋友。飲品種類還可以，但值得一讚係有大人細佬都鍾意嘅朱古力噴泉同自己手作棉花糖，小朋友玩好得開心，唔怕悶親佢。湯底有六款選擇，有日本產鰹魚清湯，關東風壽喜燒湯，美肌豚骨湯，新鮮蕃茄湯，藥膳香辣同埋濃厚雞白湯。而食物方面牛肉切得薄，淥幾下就食得，油脂比例啱啱好，入口散發香濃嘅牛肉味淨食牛都值回票價，豚肉與牛肉相比稍為普通少少，但小朋友都好鍾意食，重有魷魚等海鮮，味道都幾好，假期約埋朋友可再食多次。