紙飛機親子空間

Open Now

Now Closed

紙飛機是我一直想去的親子餐廳。因平日小朋友入場費比較相宜,請了半日假帶仔仔入去玩吓。起初到達平台時,仔仔還戰戰兢兢不斷說要返屋企。但一入去見到咁多野玩,即刻連媽媽都唔記得。場內有好多小朋友鍾意的區域,玩具,裝修亦保養得宜。難得黎到親子餐廳,小朋友先係主角。叫個兒童餐比仔仔先兒童餐set A有 鮑汁燴飯,軟嫩獅子頭,乾貝海鮮豆腐羹,小雞饅頭 及 水果因為係比小朋友食,所有配搭經均經過計算。亦不會太重味精,家長非常安心比小朋友享用。而我地大人就食呢D!卡通造型饅頭完全係為影相而叫的,真係好sharp溫馨提示,唔好掛住玩,呢個要襯熱食!!再來呢個十級推介的蜜椒汁雞翼雞翼入味大大隻,且肉質鮮嫩。蜜糖同黑椒絕配野味。勁想再encore !最後超凡黑松露炒飯反而就有小小失望。炒飯乾爽,粒粒分明,論份量絕對大大份超值,唯整個炒飯淡而無味。唔知係咪因為要遷就小朋友口味?希望可以加小許肉粒增加口感及味道。不過其實黎得親子餐廳,又希望小朋友玩得開心食得健康。所以對食物味道亦不會有太大要求,最緊要仔仔玩足兩個鐘,家長又可安心邊食邊望住佢地。