Video
Read full review
2023-04-08
48 views
之前係尖沙咀行街，因為同行有1個小朋友，專登搵下有無親子餐廳，就搵到厚福街新開以恐龍為主題既親子餐廳。一出lift就有2隻腕龍🦖歡迎食客，入到餐廳牆上面都有唔同既恐龍大頭，好似入左去侏羅紀世界，小朋友直頭俾玩具吸引左去😂未等入座就走左去玩具架。玩具架有唔同既恐龍書藉，恐龍玩具，d玩具就岩小朋友玩，大朋友都有其他board game。d 遊戲都係可以拎返埋自己枱玩，或者係餐廳中間長枱玩。小編留意到每張枱都有1隻恐龍玩具，連兒童餐具都係恐龍造型，勁得意🤩🤩1. 恐龍先生早餐 $139（新開張優惠）非常豐富，安格斯牛扒牛味夠濃好香，沙律菜夠新鮮，不過略嫌個炒蛋過熟。2. 霸王龍小食拼盤 $139 （新開張優惠）熱辣辣炸起好正，每款小食份量都多，最鍾意個芝士條，可以拉絲，炸魷魚圈唔會炸到乾爭爭，有魷魚甜味。3. 熱招牌水果茶 $43 茶味好夠!4. 恐龍樂園雜果賓治 $38 呢個最驚喜👍🏻除左有菠蘿椰果，仲有爆珠同唔同顏色既啫喱。侍應叔叔好好，會幫手睇住小朋友，小朋友由小朋友玩😂大人就可以輕鬆食下野傾下偈。最後埋單侍應話做會員可以儲積分，每20蚊1分，可以換恐龍玩具或者夾公仔。味道: 4/5
一出lift就有2隻腕龍🦖歡迎食客，入到餐廳牆上面都有唔同既恐龍大頭，好似入左去侏羅紀世界，小朋友直頭俾玩具吸引左去😂
未等入座就走左去玩具架。玩具架有唔同既恐龍書藉，恐龍玩具，d玩具就岩小朋友玩，大朋友都有其他board game。d 遊戲都係可以拎返埋自己枱玩，或者係餐廳中間長枱玩。
小編留意到每張枱都有1隻恐龍玩具，連兒童餐具都係恐龍造型，勁得意🤩🤩
1. 恐龍先生早餐 $139（新開張優惠）
非常豐富，安格斯牛扒牛味夠濃好香，沙律菜夠新鮮，不過略嫌個炒蛋過熟。
2. 霸王龍小食拼盤 $139 （新開張優惠）
熱辣辣炸起好正，每款小食份量都多，最鍾意個芝士條，可以拉絲，炸魷魚圈唔會炸到乾爭爭，有魷魚甜味。
3. 熱招牌水果茶 $43
茶味好夠!
4. 恐龍樂園雜果賓治 $38
呢個最驚喜👍🏻除左有菠蘿椰果，仲有爆珠同唔同顏色既啫喱。
侍應叔叔好好，會幫手睇住小朋友，小朋友由小朋友玩😂大人就可以輕鬆食下野傾下偈。最後埋單侍應話做會員可以儲積分，每20蚊1分，可以換恐龍玩具或者夾公仔。
味道: 4/5
服務: 5/5
環境: 5/5 (最後好辛苦先叫到小朋友走🤣🤣)
性價比: 4/5
Post
