Ohayo

Open Now

Now Closed

約咗阿囡朋友仔食個午餐，食完去隔離玩具反斗城睇玩具，呢個節目一流🤣🤣叫左個兒童餐【白汁芝士通心粉、鮮雜果、粟米粒、炸薯餅、橙汁】以一個百幾蚊嘅兒童餐嚟講，佢啲通粉實在太少，我個女一陣就食晒，然後同我講佢仲係好肚餓🤣🤣🤣我叫佢等之後嘅窩夫啦我就叫左個【鹹蛋黃卡邦尼意粉+巨峰提子檸檬梳打+迷你雜莓窩夫】卡邦尼意粉成日都食，但加鹹蛋鍋就第一試，估唔到囉埋一齊都幾夾個鹹蛋黃醬個味又唔會太鹹👍🏻巨峰提子檸檬梳打，明明叫做少冰但佢太多冰飲落都幾清新嘅！至於價錢點嘅窩夫，外脆內軟點雪糕係一個正常配搭，不過不失！