飯丸屋 (永華大廈) (Closed)

同阿仔行行吓街，佢突然話：「媽咪，我想食飯團🍙」原來飯丸屋開咗新分店！之前我有買過呢款沖繩飯團俾小朋友食。佢食完之後念念不忘，一見到舖頭招牌就認得！店舖推出左三款期間限定飯團🍙，分別係「花生醬卡拉雞」，「海苔醬卡拉雞」及「泡菜燒肉」。阿仔揀選左「海苔醬卡拉雞」🐥 套餐。炸雞扒香氣十足，非常厚身，酥脆得嚟入面依然保持到嫩滑juicy，加上creamy海苔醬作點綴，令滋味level 再升一級。小食係鬆脆可口嘅「咖喱可樂餅」🥔。咖喱係屬於日式甜咖喱，香濃之餘亦唔會掩蓋薯仔嘅天然味道。食完炸物，飲返杯無糖「桂花烏龍茶」🍵最好不過！桂花芳香，茶味清醇，解油解膩。新店地點方便，一出地鐵站過對面馬路就到，難怪人氣旺盛。佢哋為咗方便客人，仲增添左QR code 點餐，免卻排隊嘅時間！