樂園 (Moved) New Location

小姐第一次默書一百分，應承咗帶佢去食飯慶祝，帶咗佢嚟樂園，呢度果然係樂園，除咗裝修七彩繽紛之外，仲有好多棋盤，又有貓玩。小姐未開始食飯已經玩得不亦樂乎。食物上桌，小姐嘩！一聲，廚師發板可以寫名,我哋寫咗小姐嘅名,小姐以為自己生日,開心到不得了,而且食物精美之餘，仲非常之美味，煎帶子刺身新鮮，煙三文魚美味，牛柳夠淋，小姐食得好開心。另外我哋仲叫咗烤豬手，外脆內軟，豬肉粉嫩，烤得剛剛好，外皮脆脆的。飲品亦都非常之精美，用食用花放上面，好靚。一定要打卡影相。小姐仲問下次默書一百分可唔可以再嚟啊，梗係可以啦。😆😆😆