Chalet (Closed)

❝Set Dinner❞ | $ 價錢按主菜劃分包含前菜﹑主菜﹑甜品嘅set dinner，前菜三文魚捲以三文魚﹑青瓜﹑乳酪﹑三文魚籽組成，搭配清新出眾，口感豐富。餐湯附有手工麵包極有彈性﹑鬆軟帶麥香。甜品麵包布丁配焦糖醬口味獨特，麵包布丁質感實在﹑唔會出現兩者分離。而主菜係最有驚喜！❝法式油封鴨腿配意式炸飯糰﹑芒果香橙莎莎❞ | $ 338油封鴨腿一直係法國菜之中其中一款signature，我本來其實對鴨肉一般般，但餐廳出品嘅油封鴨腿肉質係鬆化到唔需要用刀切﹑輕輕一按就散開一絲絲鴨肉個種，入口香味濃郁，外皮香脆。意式炸飯糰類近於中式芋波，配以芒果香橙莎莎酸甜口味幫手解膩。❝法式燒白春雞❞ | $298 係一般餐廳食到嘅春雞多數都係「外嫩內嚡」，事關完隻春雞去焗受熱一旦有少少不均成品已經差好遠，依到嘅春雞係切件呈上，除咗成功令佢肉質保持啖啖嫩滑之外，亦係享用時更加方便～春雞入味十足﹑唔會食到入面就淡而無味。𓂃𓈒 𓂂𓏸 Chalet 𓏸𓂂 𓈒𓂃荃灣青山公路407-411號金荃大廈地下B鋪港鐵荃灣站A3出口，步行約10分鐘抵達每日12:00 - 15:00／18:00 - 22:00營業餐