Chalet (Closed)

*Chalet*-小木屋朋友去過推介我去，提及裝修很別致，食物亦很有誠意，所以在紀念日去試試。柯打咗set dinner是日餐湯 雜菜湯~濃度調教得非常好並配一件餐包 ，餐包有驚喜好好食， 外脆內軟，忍唔住再叫多一客。前菜揀咗~煙三文魚包青瓜配以三文魚籽，味道相當配合，好清新，三文魚籽非常鮮味。主菜~油封鴨髀意式炸飯糰配芒果橙莎莎，鴨脾皮脆肉嫩，飯糰好特別，口感唔錯，芒果沙沙酸酸甜甜好醒胃。甜品~今次甜品係奶凍，面頭有啲紅莓醬，牛乳味道香濃，甜味剛好。另外，再柯打咗一啲小食~帝王蟹餅配蛋黃芥末醬，蛋黃芥末混合喺蟹餅入面，而且蟹肉好多，外邊煎到脆脆地，香脆好味。再加多一客匈牙利牛尾湯及芝士薯條，都係必食之選。