District 8 (藍塘傲) (Closed)

今天去了將軍澳南區小法國，點解會咁講？一方面太耐冇得出埠，有個地方唔係只見到香港人就當第二度；另一方面，這邊有好多法國式采，例如法國國際學校，法國超市，同埋今次係將軍澳海濱附近的法式餐廳。入到去見到甜點櫥，有好多酒店都serve嘅靚靚蛋糕和好多種類的雪糕，今次因為食得太飽，下次一定要試吓，話俾大家聽。好啦，言歸正傳，今天叫了法式白汁青口，法式焗骨髓，白汁什菌寬條麵和wagyu beef。青口味道鬆軟，加上法式白汁，味道恰到好處，有巴黎Leon青口餐廳的影子。骨髓就味道較淡，要加埋garlic 一齊食就好少少。寬條麵應該係人手整，咬口很好，再加上白汁什菌非常甲。牛扒肉味香濃，肉汁鮮嫩，再加上french fries。非常好。大至上，除咗味道徧喊，我覺得係一個定位中上的法式餐廳。