小洋蔥 (Closed)

星期六同朋友去左秀茂坪食午餐，見之前住秀茂坪的朋友都推薦過下午茶唔錯，今日打算來一試。不過下午茶要等到2點先可以入坐，我地就冇等到下午茶，寧願早少少入坐試午餐。小洋蔥新開左幾個月，環境坐位都寬闊舒服同企理，只係飲水係要自助，不過都問題不大。卡邦尼芝士煙肉意粉 - 首先試左卡邦尼芝士煙肉意粉，芝士味唔重，反而重忌廉，食完都好快會飽。拿坡里辣肉腸意粉 - 辣肉腸得好少同好薄，辣肉腸的味道主要俾蕃茄味蓋過，但好在個蕃茄味又唔太酸，而且蔬菜都新鮮。總整而言，食物質素過得去，午餐唔會太細分，味道正正常常，環境都坐得舒服，都係個不錯的選擇，但就唔需要特登去試啦。