The Artlab by Favilla (Closed)

今次揀左呢間日系咖啡店同朋友慶生，裝修主要行自然木系muji風，睇相已經覺得幾舒服，想試一試，係openrice book定枱仲有折！今次叫左兩個主食同兩杯飲品。煙三文魚羽衣甘藍刁草忌廉扁意粉（$116）造型好精緻，意粉熟度完美，有咬口但唔癡牙，刁草忌廉汁幾香唔太膩。慢煮封門牛柳定食（$135）性價比超高嘅定食，配麵豉湯、沙律、薯蓉、白飯，慢煮牛柳好軟身，食落好香濃嘅牛味，配菜都好豐富！Mocha 朱古力味較淡但咖啡味較濃，比較適合鐘意偏苦mocha嘅人。Earl Grey Yuzu Soda 睇落平平無奇但有驚喜，柚子嘅酸甜同伯爵茶嘅茶香原來好夾，飲落幾清新！環境舒服，食物有質素，晚餐折後人均$130都算可接受。