Video
Read full review
2019-09-27
407 views
星期五我個friend又喺長沙灣返工，所以可以一齊食晏😊。今次到我行去佢嗰邊搵食，佢話同事講起有間新開越南嘢，我哋又去試下先。位置近蘇屋邨，地鐵站出向上行10分鐘到就到，唔難搵，因為只要行到尾再轉左就係。下午一點去到坐滿哂人，不過好彩有位，店舖好細，我估最多只可以坐廿人到，但好光猛好整潔，亦唔會話太逼👍，而且冷氣充足，行完嚟真係有點熱嘛。呢到有Lunch Menu，有五六款粉揀，撈檬同湯粉都有，包基本飲品，另外加$10可以有一款小食。我哋一人叫咗碗粉，加咗一樣小食同一份三文治🥪。🐂生牛肉湯粉($45)，唔記得叫走蔥添，有好多配料洋蔥、芽菜、薄荷葉等等，望落好吸引！湯頭入味，唔濁，夠熱好飲，唔係味精，飲完唔會口渴。生牛肉份量都唔少，但要襯熱淥熟佢，肥牛味道都唔錯，食到牛肉味👍。碗粉份量就唔算大，不過都夠飽。🦐🦑海鮮蕃茄蝦頭膏湯檬($55)，朋友食呢個，我就試咗啖都ok，食到蕃茄味🍅。朋友讚食得出個湯唔係用茄膏開🙅🏻♀️🥫，佢落埋辣椒🌶️食，成個湯飲哂。海鮮份量唔孤寒，有兩隻青口同堆蝦仔、魷魚仔同蜆仔，雖然大部份都比較細粒🙈。小食要咗香煎魚餅(3件)(+$10)，都幾抵食。估唔到魚餅都幾辣，
星期五我個friend又喺長沙灣返工，所以可以一齊食晏😊。今次到我行去佢嗰邊搵食，佢話同事講起有間新開越南嘢，我哋又去試下先。位置近蘇屋邨，地鐵站出向上行10分鐘到就到，唔難搵，因為只要行到尾再轉左就係。
下午一點去到坐滿哂人，不過好彩有位，店舖好細，我估最多只可以坐廿人到，但好光猛好整潔，亦唔會話太逼👍，而且冷氣充足，行完嚟真係有點熱嘛。呢到有Lunch Menu，有五六款粉揀，撈檬同湯粉都有，包基本飲品，另外加$10可以有一款小食。我哋一人叫咗碗粉，加咗一樣小食同一份三文治🥪。
$45
12 views
0 likes
0 comments
🐂生牛肉湯粉($45)，唔記得叫走蔥添，有好多配料洋蔥、芽菜、薄荷葉等等，望落好吸引！湯頭入味，唔濁，夠熱好飲，唔係味精，飲完唔會口渴。生牛肉份量都唔少，但要襯熱淥熟佢，肥牛味道都唔錯，食到牛肉味👍。碗粉份量就唔算大，不過都夠飽。
$55
12 views
0 likes
0 comments
🦐🦑海鮮蕃茄蝦頭膏湯檬($55)，朋友食呢個，我就試咗啖都ok，食到蕃茄味🍅。朋友讚食得出個湯唔係用茄膏開🙅🏻♀️🥫，佢落埋辣椒🌶️食，成個湯飲哂。海鮮份量唔孤寒，有兩隻青口同堆蝦仔、魷魚仔同蜆仔，雖然大部份都比較細粒🙈。
10 views
0 likes
0 comments
小食要咗香煎魚餅(3件)(+$10)，都幾抵食。估唔到魚餅都幾辣，好似唔係出面啲汁，而係魚餅本身，但好惹味🤤。
$45
24 views
0 likes
0 comments
$45
7 views
0 likes
0 comments
另外大食嘅我哋仲嗌咗份🥖越式豬扒三文治($45)，叫嘅時候一直幻想係公司三文治嘅樣，但嚟到就發現係喎係越式法包先啱！佢個名有啲誤導😂，一條法包仔潛艇切開咗三嚿，有好多餡，包括蘿蔔絲、蕃茄同生菜，但塊🐷豬扒就細咗啲。本身見到法包就變咗無乜期待，因為驚會好硬，但一食就發現同我想像中完全相反，佢個包係脆到好似食緊生菜咁！好爽好正，個包配埋啲餡好好食😋，所以兩三啖食完唔夠喉。呢個強烈推介👍👍👍。
8 views
0 likes
0 comments
最後飲品我哋各自都加咗$8轉特飲，青檸薄荷梳打同咸檸檬七喜。前者係我叫嘅，好清新同解渴，唔會太甜，非常唔錯😊。
總括嚟講，認真我無諗過呢間小店嘅食物質素咁好，用心製作，絕對唔會比大舖或連鎖店遜色，其中生牛肉湯粉同越式豬扒三文治真係好出色😋，價錢亦都相宜。店員一腳踢但都好友善，餐廳環境細細，但有一份小清新🍃嘅感覺，其中可能係因為我隔離個藍芽音響播緊啲流水聲，真係好有feel。唯一有啲可惜係位置有點吊腳，但如果嚟開長沙灘呢頭，真係可以試吓呢間小店🇻🇳👍。
Post
