齋啡 (Closed)

齋啡 Vego Coffee🍀☕️對於食肉獸 食素可能係一個挑戰💪但純素做到一個高質嘅地步 食肉獸都會屈服😌今次去左齋啡Vego Coffee一試純素餐廳位置雖然喺馬路邊 但環境幽靜 有種舒適感木系色調嘅設計 好舒服😌▫️自選酸種麵包 ($118)可以任選四款配料 酸種麵包口感好鬆軟鷹嘴豆醬配麵包好香 仲好味過配牛油素魚生口感比較似蒟蒻 甜甜地幾好味😋▫️綜合水果、奇亞籽、果昔燕麥碗 ($98)份量好多 香蕉搽上果仁醬🍌果昔燕麥配上藍莓、提子乾 甜甜地好健康但生果可以再加多啲 味道會豐富啲▫️純素紅絲絨蛋糕 ($54)蛋糕味道偏甜 口感較扎實 個忌廉好企身 有淡淡朱古力味 配上食用花好靚呀🌺▫️朱古力布朗尼 ($30)口感比較硬身 略嫌味道較乾▫️手沖咖啡 ($78)點可以唔試下佢地嘅齋啡呢☕️來自巴西嘅咖啡豆使用厭氧日曬方式處理味道較為平衡 酸味較低👍▫️Black Sesame Latte (48)黑芝麻味好香濃 用左燕麥奶代替牛奶味道都唔輸一般Latte 仲有靚靚拉花🥰最近仲聯乘SAGE 新推出茶味爆谷😋$120/4包 值得一試呀😍齋啡 (尖沙咀)尖沙咀柯士甸道154-156號花園大廈地下7B號