Video
Read full review
2018-05-07
55 views
想喺寸金尺土嘅銅鑼灣搵一間靜靜地可以坐耐少少又舒服嘅餐廳真係好難。今日有啲重要事傾，多得朋友介紹咗呢間越南餐廳。去到餐廳門口見到呢個牌，我諗應該係好多名人嘅簽名掛。不過我對於名人冇興趣，所以一個簽名都認唔到。餐廳嘅裝修走小清新路線，又充滿少女情懷。一入到餐廳就見到張bar枱，幾有氣氛嘅。呢度老闆同埋員工都好有人情味，普通嘅餐廳可能情願擺多幾張枱，有bar枱就方便食客同老闆傾計。餐牌在此：我地叫左兩個餐，蕃茄蟹肉湯檬($80)，加$5轉珍珠奶茶，另加$25配越南春卷。精選生熟牛肉湯河($68)，唔洗加錢配薑蜜。加一另計。珍珠奶茶口感濃郁，細滑，茶奶平衡，珍珠煙韌。冇諗過越菜餐廳嘅珍珠奶茶會做得咁出色。薑蜜就未算辣，味偏甜。跟餐嘅春卷油唔多，放咗一陣仍然脆卜卜。入口香脆，微溫，豬肉多汁，肥瘦剛好。配上酸酸甜甜嘅醬汁，先係脆香，酸甜，然後咀嚼豬肉，鹹香，鮮嫩，味道有層次。蕃茄蟹肉湯檬大大碗，湯底蕃茄香醒胃，洋蔥同蔥都落得夠，但蟹味未夠出色。以$80加一嘅價錢，三粒蟹丸三舊扎肉未算抵食，勝在鮮味。精選生熟牛肉湯河，湯鮮料足，食完唔口渴。值得一讚嘅係牛肉嘅質素。生牛肉片切得夠薄，慢慢咁熟，又唔會
去到餐廳門口見到呢個牌，我諗應該係好多名人嘅簽名掛。不過我對於名人冇興趣，所以一個簽名都認唔到。
餐廳嘅裝修走小清新路線，又充滿少女情懷。一入到餐廳就見到張bar枱，幾有氣氛嘅。呢度老闆同埋員工都好有人情味，普通嘅餐廳可能情願擺多幾張枱，有bar枱就方便食客同老闆傾計。
餐牌在此：
我地叫左兩個餐，蕃茄蟹肉湯檬($80)，加$5轉珍珠奶茶，另加$25配越南春卷。精選生熟牛肉湯河($68)，唔洗加錢配薑蜜。加一另計。
珍珠奶茶口感濃郁，細滑，茶奶平衡，珍珠煙韌。冇諗過越菜餐廳嘅珍珠奶茶會做得咁出色。
薑蜜就未算辣，味偏甜。
跟餐嘅春卷油唔多，放咗一陣仍然脆卜卜。入口香脆，微溫，豬肉多汁，肥瘦剛好。配上酸酸甜甜嘅醬汁，先係脆香，酸甜，然後咀嚼豬肉，鹹香，鮮嫩，味道有層次。
蕃茄蟹肉湯檬大大碗，湯底蕃茄香醒胃，洋蔥同蔥都落得夠，但蟹味未夠出色。以$80加一嘅價錢，三粒蟹丸三舊扎肉未算抵食，勝在鮮味。
精選生熟牛肉湯河，湯鮮料足，食完唔口渴。值得一讚嘅係牛肉嘅質素。生牛肉片切得夠薄，慢慢咁熟，又唔會過老。熟牛肉夠厚切，唔韌又唔肥。無論係生定熟牛肉，都一樣咁有肉味。
Post
