Video
Read full review
2021-05-09
2472 views
Potluck係一間新開嘅打卡西餐廳，原址前身係一間開左好多年嘅餐廳，睇住佢執左之後都丟空左一排。Potluck開左之後，每次行過都見有唔少人幫趁，見倒佢門面好靚咁想試好耐，就搵個Happy Friday黎試下。門口位鋪滿湖水綠印花地磚，配埋個木門，滿滿嘅小清新風，行過真係會俾佢吸引左視線。佢啲座位唔會排到好密，近門口仲有一大個空間，感覺冇咁侷促，而一入口右手邊仲有幅壁畫牆，好啱要黎打卡。每張餐枱都有透明隔板，就算多過四個人都方便傾計。食物方面，佢地有散叫亦有set，雖然set抵食啲，二三百蚊有齊湯主菜餐茶同甜品，不過主菜就只有飯麵同扒揀，甜品亦係指定一款，想食其他甜品要另外叫，靈活性唔大，所以我地都係散叫。柚香紅顏($58) - 佢地嘅特飲賣相幾靚，價錢唔算貴，哩杯柚香紅顏主要用柚子同橙汁溝成，飲落似似地fruit punch，甜甜地幾好飲。凍牛奶咖啡($38) - 咖啡味幾香濃，就算飲到最後啲冰融左都唔會太淡。芝士明太子蒜蓉法包($88) - 法包烘到好香脆，但又唔會太硬，中間仲好軟熟，好香蒜蓉味，上面仲鋪滿芝士同明太子，鹹鹹香香好好食。明太子蛋黃醬薯條($82) - 薯條都幾大份
門口位鋪滿湖水綠印花地磚，配埋個木門，滿滿嘅小清新風，行過真係會俾佢吸引左視線。
佢啲座位唔會排到好密，近門口仲有一大個空間，感覺冇咁侷促，而一入口右手邊仲有幅壁畫牆，好啱要黎打卡。
每張餐枱都有透明隔板，就算多過四個人都方便傾計。
食物方面，佢地有散叫亦有set，雖然set抵食啲，二三百蚊有齊湯主菜餐茶同甜品，不過主菜就只有飯麵同扒揀，甜品亦係指定一款，想食其他甜品要另外叫，靈活性唔大，所以我地都係散叫。柚香紅顏($58) - 佢地嘅特飲賣相幾靚，價錢唔算貴，哩杯柚香紅顏主要用柚子同橙汁溝成，飲落似似地fruit punch，甜甜地幾好飲。
凍牛奶咖啡($38) - 咖啡味幾香濃，就算飲到最後啲冰融左都唔會太淡。
柚香紅顏 & 凍牛奶咖啡
22 views
1 likes
0 comments
芝士明太子蒜蓉法包($88) - 法包烘到好香脆，但又唔會太硬，中間仲好軟熟，好香蒜蓉味，上面仲鋪滿芝士同明太子，鹹鹹香香好好食。
芝士明太子蒜蓉法包
$88
14 views
0 likes
0 comments
明太子蛋黃醬薯條($82) - 薯條都幾大份，上枱仲係熱辣辣好脆口，除左茄汁仲有明太子蛋黃醬，後者因為加左明太子，所以比起普通蛋黃醬多左少少鹹味，惹味啲。
明太子蛋黃醬薯條
$82
28 views
1 likes
0 comments
火辣水牛城雞翼($69/4隻) - 雞翼其實只有BB辣度，反而個酸味比較出啲，幾開胃惹味。
火辣水牛城雞翼
$69
26 views
0 likes
0 comments
西班牙黑毛豬無花果薄餅($188) - Pizza係薄底，餅邊好香脆，上面鋪滿芝士同番茄醬，每一格都有一塊黑毛豬同無花果，黑毛豬幾大塊，鹹鹹香香好好味。
西班牙黑毛豬無花果薄餅
$188
12 views
0 likes
0 comments
提拉米蘇千層($48) - 咖啡味幾香濃，千層蛋糕雖然冇出面人氣千層蛋糕咁多層，但每一層皮都好夠薄，唔會太乾，中間cream量適中，口感係比較輕盈唔會好漏咁。
提拉米蘇千層
$48
12 views
0 likes
0 comments
士多啤梨拿破崙($58) - 拿破崙中間用吉士醬分隔，每一塊餅都好鬆脆唔會太硬。
士多啤梨拿破崙
$58
15 views
0 likes
0 comments
總結，Potluck環境走小清新風，好靚好啱打卡，座位唔會太迫坐得舒服，食物以哩類打卡餐廳黎講算有驚喜，每一樣野食都唔錯，唔係得個樣。
Post
