Video
Read full review
2019-09-26
89 views
不嬲都覺得越南粉係小店先做得好味，最近長沙灣蘇屋村附近開咗間小清新簡約風格嘅越南菜餐廳。🇻🇳平日午市去食坐滿大半人，員工老闆同客人笑語閑談，氣氛舒服 。嗌咗生牛肉湯粉，飲一啖湯底已經知道依碗粉好好食，湯底濃郁，熬足一日一夜，牛骨味道完全滲入依碗望似清淡嘅湯底。生牛肉生熟度剛好，非常嫩滑😋湯底完全係可以飲曬佢，老闆話希望做到好似日本拉麵店咁每個客人都可以食曬碗麵、飲曬碗湯。就算係其他雞湯番茄湯都一樣可以飲，絕對唔會飲完口乾個種味精湯。🌟🌟另外追加小食絲網春卷同串燒豬，絲網春卷好有驚喜😍，平時我已經好鍾意食春卷，依個絲網控制得岩岩好，炸完岀黎又薄又脆，完全唔油膩，可以配合魚露一齊食😋👍🏻👍🏻非常推薦依間越南小店比大家👍🏻，真係好有心做每一碗粉麵價錢非常抵食，大約$40至$50一碗粉
平日午市去食坐滿大半人，員工老闆同客人笑語閑談，氣氛舒服 。
嗌咗生牛肉湯粉，飲一啖湯底已經知道依碗粉好好食，湯底濃郁，熬足一日一夜，牛骨味道完全滲入依碗望似清淡嘅湯底。生牛肉生熟度剛好，非常嫩滑😋
湯底完全係可以飲曬佢，老闆話希望做到好似日本拉麵店咁每個客人都可以食曬碗麵、飲曬碗湯。就算係其他雞湯番茄湯都一樣可以飲，絕對唔會飲完口乾個種味精湯。🌟🌟
另外追加小食絲網春卷同串燒豬，絲網春卷好有驚喜😍，平時我已經好鍾意食春卷，依個絲網控制得岩岩好，炸完岀黎又薄又脆，完全唔油膩，可以配合魚露一齊食😋👍🏻👍🏻
非常推薦依間越南小店比大家👍🏻，真係好有心做每一碗粉麵
價錢非常抵食，大約$40至$50一碗粉
Post
