Limited (Closed)

餐廳環境好舒適, 一邊係雲石紋枱配鮮綠色凳, 另一邊係木紋吧枱配灰色高凳, 整體裝修簡約舒適。枱與枱之間有足夠嘅距離, 因為無時間限制, 所以可以慢慢食, 感覺好Chill。🥗 班尼迪牛油果煙三文魚多士流心嘅Egg Benedict 真係好靚, 蛋汁包圍住成塊多士, 配埋牛油果同煙三文魚一齊食, 味道濃郁, 口感豐盛。沙律方面除咗有黑醋沙律菜, 仲有好甜嘅西柚, 我最尾先食嗰半粒提子, 好甜, 用嚟結尾真係有畫龍點精嘅感覺。🍵 Jasmine Matcha Milk個presentation 好靚呀, 有種雪山嘅感覺, 上層係奶蓋, 下層係抺茶, 配埋好淡好淡嘅茉莉味, 唔會覺得太甜。💭 整體食物, 飲品, 環境都好好, 可以好Chill 咁享受屬於自己嘅時間, 好值得再去。