Video
Read full review
2018-02-03
64 views
放咗工唔想煮飯，今日就同老公喺新都城搵左間新餐廳試吓，門面嘅裝修感覺係用小清新風格，之前其實都想試但係見到佢星期六日都要等位所以就未試過。 平日嘅晚上好彩唔使等位，我同老公即時入坐，侍應表現殷勤，主動介紹menu最新菜式，我同老公想留肚食甜品，所以咸食方面只叫左三款，我地揀左凱薩大帝沙律$63、軟殻蟹玉子咖哩飯$118、桂花蜜橙柳雞翼$62，飲品叫左藍蝶提子水果茶$48同草莓水果茶$48。凱薩沙律最先上菜，估唔到份量都算OK， 食咁多肉當然要食返多啲菜啦，之後想嘅就係雞翼，差唔多每一隻雞翼上面都有一片橙，雞翼嘅表面沾滿桂花蜜，食落仲有一陣橙嘅香味，喜歡酸甜嘅可以試吓呢個雞翼，飲品方面呢藍蝶提子水果茶就會淡味少少， 老公就比較怕甜少少所以依個就啱佢飲多啲，草莓水果茶就會相比香甜少少，加上近排係草莓season，所以草莓份外香甜👍🏻。都我哋最期待嘅軟殼蟹玉子咖喱飯啦，中間就係白飯同滑旦而外邊圍住就係咖喱汁，飯同滑旦嘅上面都鋪左好大隻嘅軟殼蟹，一上菜已經聞到好香嘅味道，滑蛋好滑軟殼蟹亦都炸得好香脆，老公好快都成碟食晒😂。之前就係留肚食甜品，所以到飯差唔多食晒嘅時候我哋就叫咗一個紅豆綠茶雪糕窩
平日嘅晚上好彩唔使等位，我同老公即時入坐，侍應表現殷勤，主動介紹menu最新菜式，我同老公想留肚食甜品，所以咸食方面只叫左三款，我地揀左凱薩大帝沙律$63、軟殻蟹玉子咖哩飯$118、桂花蜜橙柳雞翼$62，飲品叫左藍蝶提子水果茶$48同草莓水果茶$48。
凱薩沙律最先上菜，估唔到份量都算OK， 食咁多肉當然要食返多啲菜啦，之後想嘅就係雞翼，差唔多每一隻雞翼上面都有一片橙，雞翼嘅表面沾滿桂花蜜，食落仲有一陣橙嘅香味，喜歡酸甜嘅可以試吓呢個雞翼，飲品方面呢藍蝶提子水果茶就會淡味少少， 老公就比較怕甜少少所以依個就啱佢飲多啲，草莓水果茶就會相比香甜少少，加上近排係草莓season，所以草莓份外香甜👍🏻。
都我哋最期待嘅軟殼蟹玉子咖喱飯啦，中間就係白飯同滑旦而外邊圍住就係咖喱汁，飯同滑旦嘅上面都鋪左好大隻嘅軟殼蟹，一上菜已經聞到好香嘅味道，滑蛋好滑軟殼蟹亦都炸得好香脆，老公好快都成碟食晒😂。
之前就係留肚食甜品，所以到飯差唔多食晒嘅時候我哋就叫咗一個紅豆綠茶雪糕窩夫$82，份量都好大，最後兩個人都食剩少少，佢係一個大窩夫配兩球雪糕再加紅豆同忌廉，熱辣辣嘅窩夫當然係好好食👍🏻。
Post
