K&L Dream Cafe (Closed)

元朗不嬲都有好多特色打咭cafe,，今次呢間Cafe距離地鐵站唔遠，地鐵站出口，經過Yoho 2商場,穿過商場，沿天橋落鳳攸東街，7至8分鐘就到達餐廳了。餐廳門口設計好似一個小花園咁，好易見到。餐廳內以白階磚為牆身，予人簡約清新感覺。我地揀左兩個set lunch.是日餐湯係青豆湯，比較少見，估唔到青豆都可以煮湯。見到佢有一粒粒青豆蓉，真材實料，好濃郁嘅味道。雖然我平時唔係特別鍾意青豆，但我都一飲而盡，唔錯。蕃茄檸檬文里汁焗鯛魚柳配南瓜薯蓉，鯛魚柳非常大件，煎得外脆內軟，魚肉唔會好鬆散。南瓜薯蓉入口綿滑，仲有南瓜嘅香甜。慢烤保濕豬肉眼配金巴利櫻桃沙律醬，豬肉煮得好軟稔，完全無筋或者過老，配合櫻桃沙律醬，酸酸甜甜，仲有粒粒櫻桃肉，估唔到同豬肉幾夾，味道清新，出色。水果茶唔係普通茶包，係有真實果肉，入口嘅果香同茶香比例好fit，飲得好舒服。果茶仲可以加水添飲，真係要飲多2杯了。