遇見您

Open Now

Now Closed

大廈維修，餐廳招牌遮住左，好在餐廳夠光猛。綠色座椅配木系裝潢，好舒服嘅小新清風。餐牌食物偏西餐，夾雜少許中式，仲有自家秘制火山骨，特別，選揀好多。🍖自家秘制火山骨(細份) $88見枱枱都叫火山骨，應該唔錯。有大有細，細份有3大舊排骨，炆得好淋，加上醬汁微酸甜，好惹味。🍛芝士鮮茄焗厚切豬扒飯 $108呢個係銷量No.1，咁要試下。焗盤面佈滿厚豬扒，都幾多舊，食落唔柴，有啲肉汁，肉質不錯。蕃茄汁唔酸，天然蕃茄甜。芝士控表示更多拉絲芝士更好😆。🥗香芒牛油果辣蝦沙律 $138黑醋汁沙律菜遇上突如其來嘅辣，好醒神。香芒甜，牛油果滑，辣蝦爽，呢個組合非常啱夏天食。