小火山 (Closed)

星期六午餐去左食 小火山泰豬鍋。餐廳喺銅鑼灣 鵝頸橋附近嘅冠景大廈一樓，餐廳都幾易搵。我地就揀左 小火山經典泰豬鍋拼盤，有四款豬肉- 伊比利亞黑毛豬梅花肉： 肉質厚實，食落肉質比較有咬口- 北海道千歲米豚：豬肉味香濃，燒到油脂乾身好薄脆- 波蘭A級無骨豬腩：肥瘦均勻，豬肉味都好香濃- 手切泰式豬頸肉，肥瘦適中，薄切，食落爽脆火鍋2款湯底分別係： 小火山牛骨船湯 香茅椰汁雞湯泰式豬梅花肉片，配上生多，撈均落鍋，肉片食落更滑口，梅花肉片厚身，滾多陣都仲係好爽口。吸收埋湯汁味道，非常濃郁。配菜 白蘿蔔 可以一開始放肉之前一齊滾，白蘿蔔多汁香甜。金邊粉 有咬口，同牛骨船湯特別夾飲品叫左 泰式奶綠：飲落綠茶味香濃，幼滑，冇太多外加甜味，幾好飲~泰式雙檸紅茶，茶底濃，飲落清新。碟豆花芒果糯米飯芒果香甜多汁，糯米飯煙韌有咬口，配上椰汁，精緻好食。