友義氣‧酸菜魚 (Closed)

▫️白飯$10@碗▫️免加一 （真係好抵）☑️ 鮮果咕嚕肉 - $88一拎上黎就好吸晴，店家用鮮菠蘿更顯誠意。菠蘿面頭有炙燒過嘅效果，香甜多汁。咕嚕肉份量吾少，而且炸得脆口，熱辣辣脆卜卜時最好食，加上超黏酸甜汁，每一啖都甜酸十足，十分開胃，食到停吾到口。配菜洋蔥同三色椒同樣炒得香，而且火喉剛好，吾會過淋。☑️ 鹹魚雞粒豆腐煲 - $88用煲仔上菜好熱，豆腐同雞粒分別炸過/煎香過，仲要完全冇燶，證明火喉剛剛好，再連埋鹹魚同調味料炒，真係粒粒都好入味、鹹香惹味好好食，撈飯一流。☑️黃金軟殼蟹 - $115雖然表面上冇咩流沙，但其實每一啖都食到濃濃嘅鹹蛋黃味，軟殼蟹炸得十分香脆，外脆內軟，冇腥味，口感味道都一流，而且大件得黎份量都吾少，另有沙律菜同生菜絲墊底，雖然有d熱氣，但絕對值得一試。☑️大檸樂 - $22雖然有熱水免費提供，但都係會忍唔住叫凍飲，於是叫左杯大檸樂2個人飲，真係好大杯。